Buku
kanthi irah-irahan Perjalanan Sunyi Bisma Dewabrata, ingkang dipunanggit dening
Pitoyo Amrih, kawedalaken dening penerbit DIVA Press, Yogyakarta, cetakan
kaping 1 , Juni warsa 2012. Wondene cacahing kaca inggih punika 476.
Wonten buku punika, Pitoyo Amrih mbabar cariyosipun Bisma
wiwit miyos dumugi pejah. Dewabrata sejatosipun putra Prabu Sentanu lan Dewi
Jahnawi. Anamung Dewi Jahnawi punika keturunan dewa ingkang nempuh margi
pajahipun njelma dhateng manungsa. Salajengipun Dewabrata dipun susuni kaliyan
Dewi Durgandini ingkang dados ibu kuwalonipun. Puncaking cariyos inggih punika
sumpahipun Dewabrata ingkang boten nate dados raja Hastipura. Sumpah punika
dipun ucap kagem ndamel lega penggalihipun Durgandini ingkang gadhahi pepengen
mbok bilih putra kandung durgandini ingkang dados raja. Sumpah punika ugi
ndamel Dewabrata tanpi sengaja mejahi putri ingkang dipun tresnani, Dewi Amba.
Perang Bharatayuda ingkang dados margi kagem pungkasaning gesang Dewabrata.
Buku punika kedadean saking 28 bab. Anamung kula badhe
mbabar bab 1-14. Bab 1 ngemot “Miyosipun Dewabrata”, bab 2 ngemot “Bukit
Talkanda”, bab 3 ngemot “Antasena Meraga Sukma”, bab 4 ngemot “Sumpah
Dewabrata”, bab 5 ngemot “Prabu Citranggada”, bab 6 ngemot “Negeri
Giyantipura”, bab 7 ngemot “Dewi Amba”, bab 8 ngemot “Boyongan Ambika lan
Ambikala”, bab 9 ngemot “Pejahipun Amba”, bab 10 ngemot “Mendhung Hastipura”,
bab 11 ngemot “Rama Bargawa”, bab 12 ngemot “Begawan Abiyasa”, bab13 ngemot
“Tahta Pandu”, bab 14 ngemot “Miyosipun Kurawa”.
Miturut pamanggih kula, buku punika sae dipun waos
masyarakat. Mliginipun para rumaja kagem nambah ilmunipun babagan cariyos
ringgit. Kalangkungan saking buku punika inggih punika, wonten pacelathonipun
ingkang dipun damel kadosta guyonan lan bahasanipun ugi gampil dipun mangertos.
Supados gampil dipun waos, buku punika kedhah dipun
paringi gambar, alur cariyosipun dipun damel runtut mawon. Supados tiyang
ingkang maos boten bingung.