Resensi Buku Babad Tanah Jawi

Buku kanthi irah – irahan Babad Tanah Jawi (Galuh Mataram), ingkang dipunanggit dening Dr. Soewito Santoso, kawedalaken dening penerbit Citra Jaya Murti warsa 1987. Wondene cacahing kaca inggih punika 282.

Wonten buku Babad Tanah Jawi punika, Dr. Soewito Santoso nyariosaken babad – babad ing tanah jawi inggih punika galuh, babad pejajaran, babad jakarta, babad pajang – pengging, babad majapahit, babad demak, babad pajang, lan babad mataram. Anamung wonten resensi punika kula mbabar babad galuh, pejajaran, jakarta, pajang – pengging, kaliyan majapahit.

Babad galuh punika nyariosaken kerajaan galuh ingkang dipunpandhegani dening Prabu Banjaransari. Sasampunipun Prabu Banjaransari seda, Pangeran wanagada dados raja ing kerajaan galuh. Babad pejajaran punika nyariosaken kerajaan pajajaran ingkang dipunpandhegani dening Pangeran Harjakusuma. Pangeran Harjakusuma punika inggih punika putranipun Prabu Banjaransari ingkang ragil. Babad jakarta nyariosaken Kerajaan Jakarta ingkang dipunpandhegani dening Sultan Jakarta ngantos kerajaan punika runtuh amarga Sultan Jakarta nggadhahi watak ingkang mboten sae. Babad pajang – pengging nyariosaken kerajaan pajang pengging. Kerajaan punika dipunpandhegani dening Prabu Pancadriya. Babad Majapahit punika nyariosaken kerajaan majapahit ngantos kerajaan majapahit runtuh dipungantosi kerajaan demak.

Miturut pamanggih kula, buku punika sampun sae dipunwaos amarga basanipun gampil dipunmangertosi. Buku punika ugi sae dipunwaos masyarakat mliginipun kagem nambahi ilmunipun babagan cariyos babad – babad ing tanah jawi. Buku punika ugi ngemot nile sosial lan nile moral ingkang luhur.

Nanging, buku punika boten urut alur cariyosipun. Dadosipun ingkang maos bingung. Supados buku punika gampil dipunwaos, alur cariyosipun dipundhamel runtut kemawon.