Sedhekah Bumi Dusun Sukorukun, Kecamatan Jaken, Kabupaten Pati

            Tanggal 3 Juni 2014 kepungkur, Dusun Sukorukun wonten adicara sedhekah bumi. Adicara punika rutin kalaksanan setahun sepisan saben dinten selasa pon. Adicara punika kagem paring raos syukur dhumateng gusti ingkang sampun paring berkah arupi sandhang lan pangan. Dusun Sukorukun kaperang dados kalih dukuh, inggih punika dukuh Sobo lan Tlana’an. Wondene tanggapanipun ugi benten. Jajananipun arupi pasung, bogis, tape, ingkang dipun damel saking glepung.

            Dukuh Sobo nanggap tayub. Tayub inggih punika satunggaling kesenian jawi. Pagelaranipun inggih punika penari wadon (ledhek) puniki dipun uteri wonten wingking dening penari lanang (penayub). Tuladhanipun menawi wonten 5 ledhek, dados wonten 10 penayub. Ingkang ngadhepi ledhek 5 lan wingkinge ledhek 5 lan saben setengah pagelaran para penayub muteri ledhek 18 derajat, lan ledhekipun ugi pindah adhepan 180 derajat.

Tuladhanipun para penari lanang (penayub) lan penari wadon (ledhek).

            Dene dukuh Tlana’an, tanggapanipun ketoprak. Ketoprak inggih punika drama ingkang dipun peragaaken dening manungsa. Cariyosipun kethoprak inggih punika cariyos rakyat utawi babad ingkang dipun rinacik lan rinancang saengga saged dados pagelaran ingkang ngremenaken. Tuladhanipun menawi mirsani pagelaran kethoprak, wonten seni swanten, seni tari, seni gendhing. Pramila kesenian kethoprak ugi saged dipun wastani kolaborasi seni ingkang dipun racik dados setunggal dados pagelaran ingkang sae.

                                                       Satunggaling paraga kethoprak 
 

Wonten satunggaling warsa inggih punika warsa 2005 dumugi 2011, dukuh Sobo usul kaliyan pak lurah menawi tanggapanipun sami kaliyan dukuh Tlana’an. Pak Lurah ugi manut kaliyan masyarakatipun. 

 Warsa 2005 dumugi 2011 dukuh sobo tanggapanipun tayub. Ananging wonten bencana nun

inggih panenipun serandi awon. Pramila warsa 2012 kala wingi tanggapanipun digantos tayub meleh. Wonten mitos menawi danyang dukuh Sobo punika Kebo Giro ingkang remen sanget kaliyan tayub.

Prabeya kagem tanggapan kuwi dipun pundhut saking masyarakat utawi urunan. Jumbuh kaliyan jembaripun saben. Adicara sedhekah bumi punika sampun wonten wiwit kala rumiyin.